2013 елның 4 нче июленнән, 2013 нче елның 2 нче июлендә расланган Рәсәй федерациясенең «Рәсәйдә халыкны эш белән тәэмин итү» һәм Рәсәй Федерациясенең аерым закон актларына үзгәрешләр кертү хакындагы 162 нче номерлы федераль законы үз көченә керде.

№ 162-ФЗ федераль законы нигезендә, хезмәт базарында буш эш урыннары һәм вакантлы эш вазифалары турындагы мәгълүматларны таратып, туры яки турыдан-туры булмаган яктан хокукларны чикләү һәм туры яки турыдан-туры булмаган билгеләү нигезендә җенесенә, килеп чыгышына, тән төсенә, милләтенә, теленә, милек, гаилә, иҗтимагый һәм вазифаи хәленә, яшенә, яшәү урынына, дин карашына, кирәк-яракларына яки җәмәгать оешмаларына яки нинди дә булса төркемнәргә бәйле туры килү-килмәү, шулай ук эшлекле сыйфатларга бәйле булмаган башка шартларга, әгәр ул федераль закон нигезендә каралмаган булса (буш эш урыннары һәм вакантлы вазифалар турында чикләүләр дискриминацион характердагы чикләүләрне үз эченә алмаган очракта) кеше хокукын чикләүләрне булдырмау бурычы билгеләнгән.

Буш эш урыннары һәм вакантлы эш вазифалары турындагы дискриминацион характердагы мәгълүматларны таратучылар Рәсәй Федерациясе законнары нигезендә административ штрафка тартылалар.

Әлеге административ хокук бозу очрагы өчен гражданнарга - биш йөздән алып бер мең сумга кадәр; вазыйфаи затларга - өч меңнән алып биш мең сумга кадәр; юридик затларга - ун меңнән алып унбиш мең сумга кадәр административ штраф салу күздә тотылган.

Барлык гражданнар, вазыйфаи затлар һәм бернинди чикләүләрсез, теләсә нинди формада эшләүче юридик затлар өчен мондый мәгълүматны тарату тыела.

Буш эш урыннары һәм вакантлы эш вазифалары турындагы дискриминацион характердагы мәгълүмат тарату дип матбугатта шундый белдерүләр бастырып чыгару, радио һәм телевидение аша трансляцияләү, кино программаларында күрсәтү һәм башка массакүләм мәгълүмат чаралары аша тарату, интернет челтәрендә урнаштыру, шулай ук бүтән телекоммуникация элемтә челтәрләрендә, басма эшләнмәләр, шул исәптән листовка һәм буклетлар рәвешендә тарату, оешмаларның реклама продукциясендә буш эш урыннары яки вакантлы вазыйфалары турында дискриминацион характердагы чикләүләр кергән мәгълүматкә, шулай ук аудиовизуаль продукция рәвешендә, җәмәгать урыннарында урнаштырылган игъланнар һәм башкалар керә.